සීතාවියක නොවේ

රාම රාවනා කුමරුවන් මැද
සීතාවියක වී ඉපදෙන්න
නොපතමි කිසිම දින මා

පේ‍්‍රමයට සාපයක් වන්නට...
කල්ප ගණනක් පතා එන
බිම්බා දේවියක වන්න
සිදුහතුන් ගිය දාට
සේද සළු හැරලන්න...
එපා කිසිදාක නුඹනම්
සාජහන් රජු වන්න
මා මියැද ගිය පසුව
ටජ්මහල් තනවන්න...
නුඹට හැකිනම් දිනෙක
සාලිය කුමරු වී එන්න
කටු ඔටුනු හැරදමා
මා සොයා පැමිණෙන්න...
නැති නමුත් රන් රුවක්
නුඹ වශී කරගන්න
ආදරේ තියෙනවා හුඟක්
හැර පැමිණි රජකමත් පරදන්න...